Koyê Meqamî yê qezaya Erxenî, galûranê ke mîyanê zinaran de zergûn benê, wisarê xoza keno şayîyêk.
Koyê Meqamî ke sînorê dewa Kenêra Gird a qezaya Erxenî ya Amedî de ya, ameyîşê wisarî reyde galûranê xo reyde bale anceno. Nê nebatê endemîk ê ke herêma koyî ya ke zinaranê rêzkerdeyan de serdest ê zergûn benê, serdemê xo yê kilm ê vilikronayîşî de herême sey kaxizêko rengin xemilnenê.
Mêmanî erebeyan reyde mîyanê tay taxanê qeza ra vîyarenê û xo resnenê Koyê Meqamî, dima ra zî peyatî ver bi tîtikî vejîyenê. Galûrê ke mîyanê zinaran de sereberz kenê, bi taybetî nêzdîyê tîtikî vêşî benê û qadanê hîra de vila benê.
Galûrî bi qirmanê xo yê derg û çîçeganê xo yê ke ver ni cêrî yê, zemînê zinaran ser o dîmenêk awan kenê. Nê gulê ke ge-ge sey grûban zergûn benê, bi xozaya koyî benê yew û seba kesanê ke fotografan gênê, dîmenanê bêemsal pêşkêş keno.
Herême her serre aşmanê wisarî de beno dinganê welatîyan ra yew û kesê ke rayîrşîyayîşê xoza kenê; eynê wextî de ê qadê ke galûrî uca de yê, hetê ekolojîk ra sey herêmê hesas, yenê qebulkerdene.
