Rayîrşîyayîşê Ciwananê DEM Partî roja 3. de qezaya Pirsûsî ra ver bi dewa Amara ra domyeno. Ciwanan û Dayîkê Aştîye Pirsûs de ciwanê ke hêrişê hêzê paramîlîter yê dewlete şehîd bîyê, ê goristanê înan ser o yad kerdê.
Meclîsê Ciwanan ê DEM Partî bi munasebetê 4ê Nîsane roja Rojbîyayîşê Rayberê Şarê Kurdî Abdullah Ocalanî bi sloganî “Bi komelo demokratik ma ver bi azadîye rayîrî ra şonê” şonê Amara. Rayîrşîyayîşê ciwanan roja 3. de qezaya Pirsûsî ra ver bi Amara ra domyeno. Dayîkê Aştîye tîşortê “Ma ver bi azadîye ra rayîrî ra şonê” xo ra dayê û pêşengîya ciwanan kenê.
Dima girse bi sloganî “Bijî Serok Apo” Merkezê Kulturî yê Amara ra rayîrî ra şîyê û uca de ciwanan şehîdê Pirsûsî yê ke seba hetkarîya Kobanê ameybî şaristan û bi hêrişê hêzê paramîlîter yê dewleta tirke şehîd bîyê, ciwanan goristananê înan ser o ê yad kerdê.
Goristanê şehîdgeyî de ciwanan dîyar kerd ke bi hêrişê qalleşî 33 ciwanê raywanê hewnî cuya xo vîndî kerde û wina domna: “9 serrî yo ke ma qet bêveng nêmendî û ma her tim hesabê Pirsûsî persayê. Hewna rayîrşîyayîşê xo yê 3. de vanê ke ma do hesabê şehîdanê Pirsûsî bipersî, do hewnê înan nêmcet nêmano. Ma nê hêrişî xayînî ra dî ke nêwaştêne qet rîyê domananê kurdan de huyayîşêk est bo. Ma ewro bi hezaran ciwanan reyde xeyalê şehîdanê Pirsûsî anê ca. Çi heyf o ke na dewlete qet nêwazena domanî bihuyê û keyfweş bibê.” Dima ciwanan sloganî “Şehîd namirin” vat.
‘Ma peynîya têkoşînê embazanê xo de yê’
Qiseykerdişê ciwanan ra pey dayîka aştî qisey kerd û wina va: “Sîyaset çi heyf o ke karêko dirîye yo la demo ke merdim têkoşînê ciwanan ra ewnîyeno; têkoşînê ciwanan raşt o. Ciwanan qetil kenê, 33 ciwanî seba ke rîyê domanê Kobanî bihuyo, ameyê tîya labelê bi teqnayîşê bombeyî laşê ciwanan parçe parçe kerdê. Yew dayîkêk nêwazena domanê ci bêro qetilkerdene. Nika bi hezaran ciwanî peynîya têkoşînê embazanê xo de yê. Ez veng dana dewlete zî; roje yena şima vanê aştî la roje yena şima ma qetil kenê. Wa heme gerîla, girewteyê azadîye û Serok Apo azad bibê û bêrê mîyanê ma.”
Tewr peyên ciwanan yew bi yew nameyê şehîdanê Pirsûsî wendê û vatê cuyeno. Peynî zî seba şîyayîşê Amara rayîr kewtê.
