Heyetêkî nameyê dezgehanê elewîyan ser o derheqê qirkerdişê elewîyan ê Sûrîye de Cenevre de selahîyetdaranê OHCR’î de pêvînayîş kerd.
Înîsîyatîfê Heqanê Merdiman ê Sûrîye derheqê qirkerdişê HTŞ’î yê vera elewîyanê Sûrîye de selahîyetdaranê Komîserîya Berze ya Heqanê Merdiman (OHCR) a NY’î de pêvînayîşêk kerd. Nameyê înîsîyatîfî ser o Mudirê Weşanê Pêroyî yê Vengê Elewîyan Erkan Kiliçkayayî, Zozane Faruk û Sema Kiliç qisey kerd û înan raporêk teslîmê dezgehî kerd. Heyetî waşt ke wa OHCR cade verê qirkerdişê elewîyan bigêro.
Kiliçkayayî ANF’î rê qisey kerd û pare kerd ke selahîyetdaran vato ke ê qirkerdişê elewîyan nêzdî ra teqîb kenê. Kiliçkayayî vat: “Selahîyetdaranê OHCR’î derheqê qirkerdişî de agahîyî waştî û vat ke ê do dezgehanê sivîlan de bikewê têkilîye.”
