Bi wesîleya 76. rojbîyayîşê Rayberê Şarê Kurd Abdullah Ocalan merkeze Xelfetî ra ver bi dewa Amarayî ra meş destpê kerd. Meş de Aktîvîsta TJA’yî Fatma Ablay qise kerd û va ke ê seba estbîyayîş û nêbîyayîşê xo ser ewta de yê.
Meclîsê Ciwanan ê DEM Partîye bi wesîleya 76. rojbîyayîşê Şarê Kurd Abdulalh Ocalan çar roj ê bi şiara “Bi Komelo Demokratîk Ma Ver Bi Azadîye” meşîyenê. Meşê Ciwanan ê ewroyin merkeze Xelfetî ra ver bi dewa Amarayî ra destpê kerd. Meş de bêmîyan dirûşmeyê “Bijî Serok Ap”, “Rojbûna te pîroz be ey Serok Apo”, “PKK gel e gel li vir e”, “Ciwan dimeşin erd û ezman diheje”, “Jin jiyan azadî” yenê berzkerdiş. Meş bi coş û kêlecanêko gird ver bi Amarayî domyeno.
Meşî ra DBP, DEM Partî, wekîl, hemşaredar, Dayîkê Aştî û bi hezaran welatij beşdar bîyê. Meşyoxan wêneyê Mustafa Dag û Mahsum Karaoglan kirişti û dovîzê “Rêberê me heqiqata meyê”, “Rojbûna tê piroz bê ey Serok Apo”, “4 e Nîsanê dengê heqîqetê ye” akerdê.
Dayîkî zî bi pela zeytunî meşîyayî
Pêşengîya meşî cinîyan kerdê, dayîk zî pelê zeytunî reyde meşîyayî. Meş de Aktîvîsta TJA’yî Fatma Ablay qise kerd û va ke ê seba estbîyayîş û nêbîyayîşê xo ser ewta de yê û wina va: “1ê Nîsane ra nika ciwanan seba azadîya Rayberê Şarê Kurd Abdullah Ocalan ser o meşîyayî. Ewro zî bi pêşengîya cinîyan, meş hetanî Amarayî do bidomyo. Cinîyan ber bi ber vengdayîşê aştî û komelê demokratîke dayê famkerdişî. 8ê Adare, Newroz û ewro zî ewta de şar, îradeya xo werte rona. Na îrade, îradeya cinîyan a, ganî na îrade Enqere bişinasna. Nê 4 rojê ciwanan verê xo dayê Roje ra. Ganî bi lezî Rayberê Şarê Kurd Abdullah Ocalan azad bibo.”
Peynî zî heyet Amarayî ra ame raywankerdene.
