Rêxistina Amedî ya DEM Partî tezîyeya hîrê rojan ya seba Sirri Sureyya Onderî ra pey mewlid ame dayene.
Endamê Heyetê Îmraliyî yê DEM Partîyî Sirri Sureyya Onder 18 rojan ra pey 3ê gulane de nêweşxaneyo ke tede tedawî dîyîne, şi heqîya xo. Dem Partî xeylê şaristananê Kurdîstan û Tirkîya de awanîyanê xo de seba Sirri Sureyya Onderî tezîye ronayîbî. Nê 3 rojî yê awanîya Rêxistina Amedî ya DEM Partî tezîye ameya ronayene û bi des hezaran welatijî şîyî tezîye zîyaret kerde.
Tezîyeya Amedî ke nê 3 rojî yo ke dewam kena, bi dayîşê mewlidî qedîyaye. Mewlidî de endam û rayberê DEM Partî, DBP’yî, partîyê sîyasî, Dayîkê Aştî, aktîvîstê TJA’yî, hemşaredarê qezayanê Amedî, rêxistinê sîvîl û xeylê welatijî amade bîyê.
Mewlid vernîya awanîya DEM Partî ame dayene. Fotografê Sirri Sureyya ameyê aliqnayene. Seba Sirri Sureyya Onderî dua û fatîha ameyê wendene û loqim û helwa ameye vilakerdene.
Dayîşê mewlidî ra pey tezîye qedîyaye.
