Curnê Reşo ke îdareyê DEM Partî de yo, Keyeyê Arisîyayîşî yê Cinîyan akerd
Şaredarîya Curnê Reşî ke girêdayeyê Riha ya û îdareyê DEM Partî de ya, Keyeyê Arisîyayîşî yê Cinîyan akerd. Hemşaredarê Garîp Yeşîl û Serhan Paydaş û Hemşaredarê Xelfetî Sanîye Bayram ke herinda ci qeyûm erzîyayo, beşdarê akerdişî bîyê.
Hemşaredarê Curnê Reşî Garîp Yeşîlî akerdeşî de qisey kerd û wina vat: “Bi saya piştîdayîşêyewbînanê cinîyan ma cayêko winayên akerd. Cinîyan reyde têkoşîn û xîzmetê ma do dewam bikerê. Qeyûmî reya ewile dest erzenê heqanê cinîyan. Seba ney zî xebatê cinîyan seba ma muhîm ê. Bi felsefeya ‘Jin Jîyan Azadî’ ma do xebatanê xo bidomnê.
Hemşaredara Xelfetî Sanîye Bayram zî, hemverê hêrîşanê Vakur-Rojhelatê Sûrîye reaksîyonê xo nîşan da. Qiseykerdişan ra pey akerdişê merkezî ame kerdene. Programê akerdişî de sloganê “Jin Jîyan Azadî” ame vatene.
