Konferansê bi nameyê “Persgirêka Kurd û Averşîyayîşanê Rojhelatê Mîyanên” Atîna de dest pê kerd.
Merkezê Cigêrayîşê Rojhelatê Miyanên û Îslamî, bi babeta “Persgirêka Kurd û Averşîyayîşanê Rojhelatê Miyanên”, paytextê Yewnanîstanî Atîna de yew konferans viraşt. Nê konferansî rê Serekê PYD’î Xerîb Hiso, Sereka Daîreya Têkîliyanê Teberî ya Rêveberîya Xwesere ya Bakur û Rojhelatê Sûrîye Şîmhan Ehmed û Sereka Buroya Têkîliyanê Dîplomatîkî ya PYD’î Sema Begdaş zaf akademîsyen, sîyasetmedar û rojnamegerî beşdarî bîyî.
Xerîb Hiso, qiseykerdişê akerdişî de hêrişê rejîmî û DAIŞ’î yê Sûrîye ard vîrî û va ke HTŞ’î miyan de zaf “awanîyanê çeteyan” estê ke înan Sûrîye de xo destî ra girewtê û Tirkîya zî nê komî hetkarî dayê. Hiso ard ziwan ke armancê sereke yê nê komî, xirabkerdişê awanîyanê demokratîke ya Bakur û Rojhelatê Sûrîye yo.
Hîrê roniştişê konferansî
Konferans rojan ver dewam bikero. Rûniştişê yewînî de rewşa ewroyêne ya kurdanê Sûrîye; Zekîa Aqra rûniştişî modere bikero. Profesor Sotiris Roussos ê Zanîngeha Peloponnesê, hetkar profesor Antonîs Derîzîotîs ê Zanîngeha Neteweyî û Kapodistrian a Atîna û akademîsyen Katîa Zagorîtoû nê roniştişî de qisey bikerê.
Saet 12:00 de Wezîrê Karanê Teberî yê verê yê Yewnanîstanî Nîkos Kotzîas qiseykerdişêk bikero. Rûniştişê dîyenî de pêşkêşkerdişî serê tesîrê herêmî yê Rayverîya Xosere ya Bakur û Rojhelatê Sûrîye û Rayberê Şarê Kurd Abdullah Ocalanî bikerê.
Rûniştişê bi moderatorîya Ioannis Albanisî de, rojnameger Stavros Lygeros ê Zanîngeha Hewlêrî, Petros Papakonstantinou, doçent Thomas Schmîdînger ê Zanîngeha Hewlêrî û profesor Amy Austin Holmes ê Zanîngeha George Washingtonî bibê qiseykerdox.
Badê cû Xoza Sereka Beşa Têkîliyanê Teberî ya Rêveberîya Xwesere ya Bakur û Rojhelatê Sûrîye Xiyal Ehmed qiseykerdişêk bikero. Rûniştişê peyênî de hêzê herêmî û Persgirêka kurd bêrê munaqaşekerdene. Roniştişê bi moderatorîya Sotiris Roussosî de profesor Konstantinos Filis, Banderkarîya Zanîngeha Lefkoşa Stavros Drakoularakos û akademîsyen Kemal Çomanî ê Zanîngeha Leipzigî bibê qiseykerdox.
Sereka Buroya Têkîliyanê Dîplomatîkî ya PYD’î Sema Begdaş zî qiseykerdişê qedîyayîşî bikero.
