Sereka Demîr Leblebî, Su Akpinar dîyar kerd ke derheqê cinî aştîye ra çi fam kenê de ganî sîwaneyêk bêro awankerdiş û ganî aştî her cayî de bêro qiseykerdiş û pêro kesî xo îfade bikerê.
Dimayê vengdayîşê ‘Aştî û Komelê Demokratîkî’ yê Rayberê Şarê Kurdî Abdullah Ocalan û qerarê feshkerdişî yê PKK’yî mojneno ke prosesê çareserî resayo qonaxêk newe. Derheqê aştîye de her hetî ra munaqeşeyî yenê kerdiş. Sereka Komeleya Demîr Leblebî, Su Akpinar derheqê prosesî de ajansê jinnewsî rê qisey kerd.
‘Ganî cinî têgehê sîwanê aştîye awan bikerê’
Su Akpinar wina qalê aştî kerd: “Ganî cinî nê prosesî de ca bigîrê. Semedo ke cinî şêrê a masa ser do heme çîyêk cîya vajê û çîyêk hempar nêkeweno werte. Nê semedî ra çîyo ke Demîr Leblebî keno, o yo ke sîwanêke aştî bêro akerdiş û aştî semedê cinîyan çi îfade kena a bêro awankerdiş a. Nê semedî ra tewrbîyayîşê cinîyan de çîyo ke tewr beno hetkar qiseykerdişê aştîye yo. Dimayê qiseykerdişê aştîye ma do waştişê xo tewr baş îfade bikerê.”
‘Ganî aştî her cayî de bêro qiseykerdiş’
Su Akpinar dîyar kerd ke ganî rêxistinê cinîyan aştîye qisey bikerê û wina va: “Rêxistinê cinîyan ganî aştîye qisey bikerê; şîdetê cinîyan, heqê karkeran ser o yeno qiseykerdiş. Wa ê zî qisey bikerê; semedê aştî çi îfade keno? Ganî rêxistinê cinîyam rûşê û qisey bikerê.”
‘Ganî her kes semedê aştîye hewl bido’
Su Akpinar tewr peyîn wina va: “Ganî her kes rûşo û pê bikero. Aştî yena manaya asayîş û aramî. Bawerî, nasname û etnîk çîyêk nêvuryeno. Semedê ma dinyayêka aram û bi asayîş hewce yo. Semedê kesêk bîn zî çîyêk bîn îfade keno. Ganî ma pêro nuqtaya hempar de aver şêrê. Do o wext aştî pê bêro. Demokrasî yew hetêk eleqeder nêkeno, pêro kesan eleqeder keno. Fikr û ewnîyayîş eynî nêbê zî nokteya ma pê bikerê û qisey bikerê est ê. Encax bi no hawayî aştî mumkin a.”
