Şirnex – Zozanên Çemê Karê ku di bin qontarê Çiyayê Herekol de ye bi hemû xweşikiya xwe welatiyan mest dike. Zozan bi kulîlkên reng bi reng xemilîne û çemê şîn ku di nav çiyayan de derbas dibe weke biştekê xuya dike.
Li Şirnexê bi hatina demsala havînê û germbûna hewayê re welatiyên Şirnexê û koçeran berê xwe dane çiya û zozanan. Kurdistan ku bi xweza û çiyayên xwe bi nav û denge xweşikiya zozan û çiyayan di vê demsalê de bi hemû renginiyê, xwe dide der. Bajarê Şirnexê jî yek jî bajarê Kurdistanê ye ku bi zozan û çiyayên xwe nav û deng e. Yek jî ji van çiyayan çiyayê Herekolê ye. Çiyayê Herekolê çiyayekî bi heybet e û di navbera navçeya Perwarî ya Sêrtê û navenda Şirnexê de ye. Çiyayê Herekol çiyayekî asê ye û ji ber heybetiya xwe bû ye yek jî cihê parastina Kurdan. Her wiha gelek cûreyên giya û sewalan jî reng û jiyanê didin çiyayê Herekolê. Welatiyên ku diçin ser wî çiyayî ji ber dewlemendî û xweşikiya xwezayê mest dibin.
Gelek Zozan li Çiyayê Herekolê hene. Ji ber çavkaniya avê li zozanên Herekolê zêde ne û gelek cûreyên giyayan jî li wan çiyayan hene, welatî piranî berê xwe didin zozanên Herekolê. Yek jî ji van zozanan zozanên Çemê Karê ye. Zozanên Çemê Karê li ser navçeya Perwerî ya Sêrtê dimîne. Welatî bi demsala havînê re berê xwe didin van zozanan û heta demsala payîzê li van zozanan dimînin. Welatî li zozanan bi gelemperî sewlakarî û karê meşvaniyê dikin. Li derdora zozanana jî çiyayên asê hene û di nava zozanan de jî çem derbas dibe. Zozan weke tabloyeke hemû xweşikiya xwe mirovan ji xwe re heyran dihelê.
Rengîniya xwezaya Çemê Karê
Zozan navê xwe li Çemê Karê digirê. Çem di nava çiya, giya û kulîlkan de xweşik diherikê û aramiyê li derdora xwe belav dike. Zozan bi kulîlkên zer, sor, mor, kesk û şîn xemilî ne û di nav çiyayan de weke tabloyeke xuya dike. Her wiha çemê şîn ku di nav zozanan de diherikê bala mirovan dikşîne û ji ber çavkaniya avê li vir zêde ye piranî welatî berê xwe didin zozanê Çemê Karê. Zozanê Çemê Karê berê bi mîhrîcanên xwe bi nav û deng bû. Lê 10 sal in bi hinceta “Ewlehiyê” mîhrîcan tê astengkirin. Her wiha gelek caran jî zozan ji welatiyan re hat qedexekirin û lê niha qedexeya li ser zozanan rabû ye û welatî berê xwe didin zozanan.
Welatiyan berê xwe danê zozanan
Bi hatina demsala havînê re welatiyan berê xwe danê çiya û zozanan. Zozanên Çemê Karê jî di vê demsalê de hembêza xwe li koçeran vedike. Zozan çandeke kevnar a Kurdistanê ye û ji berê vê welatiyan ji ber hewaya germ û sewalkariyê berê xwe danê zozanan. Ew çanda zozanan hê jî berdewam dike. Ji ber çavkaniya avê zêde ye û giya û xwezaya çemê Karê dewlemendê welatî berê xwe didin van zozanan û havîna xwe li vir derbas dikin. Welatî li van zozanan pêz xwedî dikin û karê mêşvaniyê dikin. Welatî heta meha payîzê li zozanan dimînin û piştre jî vêdigerin gund û bajaranên xwe.
