Encumena Ewlekariyê ya Navneteweyî li ser daxwaza Îranê dê îro civîneke awarte lidar bixe û derbarê êrîşên Îsraîlê li ser navendên Îranê gotûbêj bike.
Artêşa Îsraîlê ji şevê din ve êrîşî gelek deverên Îranê kir. Piştî êrîşan Îranê banga civîna awarte li Neteweyên Yrkbûyî kir. Li ser daxwaza Îranê Encumena Ewlekariyê ya Neteweyên Yekbûyî (NY) dê îro têkildarî êrişên Îsraîlê yên li ser Îranê civînekê li dar bixe.
Wezîrê Derve yê Îranê Abbas Iraqçî di nameyekê de ji Encumenê daxwaza civînê kir û anî ziman ku Îsraîl hemû xetên sor derbas kiriye û divê civaka navdewletî rê nede ku ev tawan bê ceza bimînin.
Iraqçî her wiha got: “Li gor maddeya 51 ya Peymana Netewên Yekbûyî mafê Îran yê cewherî yê xweparastinê heye û dê bi awayekî guncac bersiva van kiryarên tirsonek û neqanûnî bide.”
Li gorî aala 51. mafê takekesî yan komî yê dewletan heye ku li hember her êrişeke çekdarî xwe biparêzin.
Îsraîl îro i êrişên berfereh ser Îranê pêk anî û got ku wê li navendên nukleerî, kargehên mûşekên balîstîk û serkirdeyên leşkerî xistiye û ev destpêka pêvajoyeke dirêj e ji bo rêgirtin li pêşxistina çekên nukleerî yên Tehranê.
