Serokê Kizilayê ya Silopyayê Mûrat Tatar ê ji ber diziyê girtîbû hate berdan. Bi berdana Tatar girtiyên ji doza Kizilayê neman.
Li navçeya Silopyayê ya Şirnexê 2yê sibata 2024an Serokê Şaxa Kizilayê Mûrat Tatar jî di nav de 9 kes bi hinceta diziya alîkariya erdheja 6ê sibata 2023an kirine hatibûn girtin. Di daneşîna doza meha adarê de 7 kes hatibûn berdan û di daneşîna dozê de Mûrat Tatar û rêveberê weqfê ku navê wî nehat zanîn hatin tehliyekirin. Bi berdana herdu kesan girtiyên ji doza Kizilayê neman.
Beriya salekî çi bibû?
Piştî erdheja 6ê sibata 2023an Weqfa Alîkariyê ya Barzanî (BCF) ji Başûrê Kurdistanê bi buhayê 300 mîlyon dolar alîkarî şandibû. Ev alîkarî bi tiran li ser Deriyê Xabûr re teslîmî Şaxa Kizilayê ya Silopyayê hatibû kirin. Piştî demekî li ser lêkolîna Weqfa Alîkariyê ya Barzanî hate hînbûn ku ev alîkarî neçûye herêmên erdhejê û lêpirsin hate destpêkirin.
Li ser lêpirsînê hate hînbûn ku Mûrat Tatar ev alîkarî şandiye Amedê ku di tu derên Kizilayê de tomara van alîkariyan tuneye. Piştî lêpirsînê Tatar û 8 kesên jê re bûne alîkar hatibûn girtin.
