Qezaya Cizîr ya Şirnexî de vejîya orte ke weçinitişanê îdareyê herêmî de wesayîtêka Şaredarîya Cizîrî hetê emnîyetî ra ameyê tirawitene.
Qezaya Cizîrî ya Şirnex de weçînitişanê îdareyê herêmî yê 31ê adara 2024î ra ver hetê qeyum Nazli Demîr ra xeylê amûr, parq û awanîyê şaredarî dewrê sazgehanê dewlete ameybî kerdene.
Bêyî ku noter de dewrî ci virazî, minîbuse bera
Vejîya orte ke mînînusêka Şaredarîya Cizîrî 5 roj weçînitişan ra ver hetê polîsanê Midurîyetê Emnîyetî yê Cizîrî ra bêyî ke noter de dewrê mînîbuse bêro kerdene, ameya tirawitene.
Emnîyet cewabê şaredarî nêdano
Dima ke rayberîya Şaredarîya Cizîrî pê hesîya ke tirawitişêko winasîn ameyo kerdene, seba Midureyetê Emnîyetî nuşteyêk erşawit û waşt ke mînîbuse teslîmê şaredarî bikerê la heta nika cewabêk seba şaredarî nêameyo dayene.
Rayedaranê şaredarî da zanayene ke ê do muracatê rayîranê huqûqî bikerê.
