Sazîyanê kultur û edebîyatî, veşnayîş û talankerdişê merkezê kultur û kitabxaneyanê Minbicî de hetê çeteyê Dewleta Tirke, protesto kerd û dîyar kerd ke no suc, îsrar û qerardarîya şarê Surîye ya azadîye û aştîye zêde keno
Yewîya Roşnvîranê Kantonê Cizîrî, Yewbînangirewtişê Roşnvîrê Rojawanê Kurdistanî (HRRK) û Yewîya Nuştoxanê Kurdanê Surîye de derheqê talankerdiş û veşnayîşê merkezê kulturî û kitabxaneyê Minbicî yê hetê çeteyê Dewleta Tirke ra, beyanatêk da.
Beyanat Parka Wendişî ya Qamişlo de ame wendiş. Endamê Yewîya Roşnvîranê Kantonê Cizîrî Kurdîyar Dirêî bi ziwanê Kurdkî û endamê heyetê Rayberîya Yewîya Roşnvîran a Kantonê Cizîrî Yasmîn Meşayîx zî bi ziwanê erebî beyanat wend.
Beyanatî de ame dîyarkerdiş ke Dewleta Tirka dagirkere û çeteyê aye ke adirbest û dîyalogan red kena, sucê tewr xirab kena ke resenê daraxa sucê şerî û sucê verba kulturê merdimeyî û wina ame vatiş: “Dewleta Tirke bi hêrişê xo yê şaristanê Minbicî ser o, talankerdişê sazîyanê xizmet û keyeyê şarî, cuya nêm mîlyon merdiman teluke reyde rî bi rîyê verda û înan bêçareyî koçberîye kerd. Qetilkerdiş, wêrankerdiş nasnameyê kulturî ke Dewleta Tirke kena. Îsrar û qerardarîya şarê Surîye ya azadîye û aştîye zêde keno.”
