Verfekê Platformê Ekolojî yê Şirnexî Adnan Şenbayram ke peynîya nobeta Bestayî de qisey kerd, dîyar kerd ke ê do têkoşînê xo pîl bikerê û va: “Heta xoza azad bena do xoverdayîşê ma zî dewam bikero.”
Hemverê qirkerdişê ekolojî yê merkezê Şirnexî û qezayanê ci, bi serkêşîya Platformê Sazgehê Demokratîk û bi sloganê “Ma do rayîr nêdê qirkerdişê ekolojî, ma hemverê talankerdişê yê” roja sêşeme çalakîya nobete ameye destpêkerdiş. Çalakîya nobete, ewro wareyê Kun Hirçokî yê mabêne dewanê Çemê Têwî Bişêye Reş bi dayîşê eşkerayî qedîyaye. Hemserekê Pêroyî yê Partîya Herêmê Demokratîk (DBP) Keskîn Bayindir û Çîgdem Kiliçgun Uçar, Hemsereka Pêroyî ya Partîya Têduştî û Demokrasî (DEM Partî) Tulay Hatîmogûllari, parlamenterê DEM Partî, Serekê Pêroyî yê Partîya Sosyalîste ya Newe ra Awankerdiş (SYKP) Mertcan Tîtîz, Verfeka Partiya Çep a Kesk Dîdem Goçer, endamê MYK’yî Partiya Sosyalîst ê Bindestan (ESP) Orhan Çelebî, Înîsiyatîfê Yewîya Demokratîk, Koalîsyonê Edaletî yê Îklîmî û temsîlkarê rêxistinê komelê sivîlî, rêxistinê ekolojî yê Şirnex, Mêrdîn, Amed, Riha, Sêrt û Êlihî û xeylêk welatijî tewr bî.
Eşkerayî de “Nobedarê dara gûzê ne, em li vir in”, “Hebûna xwezayê xwebûna me ye”, “Li dijî şer aştî li dijî talanê jiyana ekolojîk” û “Ar girtiye qurm û li dorê dileyîze çi kiribû çi bû gunehê dara berûyê?” ameyî berzkerdiş.
Verfekê Platformê Ekolojî yê Şirnexî yê Demî Adnan Şenbayram, dîyar kerd ke Kurdistan pêşkeşê sermaye ameyî kerdiş û wina va: “Ma vizêrî hemverê caardişê binê nameyê asayîşî de yenê kerdiş, rayîrşîyayîşêk organîze kerd. Vizêrî ma mesajêk da sîstemê talanker û ma va ke do rayîr nêdê qirkerdişê ekolojî. Tîya ra tepîya ma do nêverdê xozaya ma bêro talankerdiş. Ma do pîya xozaya xo azad bikerê. Nobeta ma ewro peynî bena la têkoşînê ma do dewam bikero. Heta ke xoza azad bibo zî do xoverdayîşê ma dewam bikero. Aşma teşrîna peyêne de ma do kampanyaya ramitişê daran bidê destpêkerdiş. Tena demo ke ma pîya têkoşîn bikerê, ma eşkenê xoza bipawê. Ez sipasîya her kesê ke tewrê nobete bîyê, kena. Cûdî ra heta Akbelenî do têkoşînê ma dewam bikero.”
Eşkerayîye, bi sloganê “Xweza jiyan e jiyanê nekuje” peynî bî. Dimayê eşkerayîye, çalakîkeran warê nobete pak kerd.
