Êlih – Li gundê Newalê yê navçeya Qûbînê bi çekan êrişî wesayîtekê hate kirin. Di êrişê de dayik, bav û 2 zarokên wan hatin kuştin.
Di navbera gundên Newalê û Harfasê yên navçeya Qûbînê ya Êlihê de li dijî wesayîta bi plakaya 72 EK 339’ê êrişeke çekdarî hate kirin. Di êrişê de M.Ş (43), hevjîna wî T.Ş û zarokên wan E.Ş (9) û A.Ş (5) hatin kuştin. Nasnameya êrişkaran nehat zanîn.
Serdozgeriya Komarê ya Êlihê têkildarî êrişê lêpirsîn da destpêkirin.
