Li Silopyayê 2 polîs bi hinceta li ser navê dozgeriyê pere ji welatiyan xwestine hatin girtin.
Li navçeya Silopyayê ya Şirnexê polîsên bi navê E.K. û O.Ş., bi rêya telefonê xwe gihandine gelek welatiyan û gotine, “Dosyeya we li dozgeriyê heye, 5 hezar dolar bidin me, em ê dosyeya we betal bikin.” Li ser vê bûyera xapandinê derbarê polîsan de lêpirsîn hatiye destpêkirin û polîs hatine binçavkirin.
Piştî îfadeyên polîsan a li Fermandariya Cendirmeyan a Şirnexê ji aliyê dadgehê ve bi sûcdariya ku “xelkê xapandin e” hatin girtin.
Hate zanîn ku E.K. û O.Ş., piştî hatin girtin ew birine Girtîgeha Tîpa T a Şirnexê.
