Qezaya Peyasî ya Amedî de karkerê înşaetî Mehmet Yalçin ê 32 serre qatê berz ê awanîye ra kewt war û cuya xo vîndî kerd.
Taxa Huzurevlerî ya Peyasa Amedî karkerêkê înşaetî cuya xo vîndî kerd. Goreyê xebera AmîdaHaberî; karkerê bi nameyê Mehmet Yalçin ê 32 serre vizêr şand qatê 4. ê înşaetê ke tede xebitîyayêne, ci ra kewt war û cuya xo vîndî kerd.
Cenazeyê karkerî karûbaranê otopsîyî ra pey teslîmê keyeyê ci ame kerdene û Amed de ame definkerdene.
Derheqê hedîse de ciperdayîş ame destpêkerdene.
