Beşê Polîtîkayanê Cinîyan ê Şaredarîya Rezanî û Meclîsê Cinîyan, çarçeweya çalakîyê 25ê Teşrîna Peyêne de perwerdeyêk viraşt û broşûranê hemverê şîdetî vila kerd.
Beşê Polîtîkayanê Cinîyan ê Şaredarîya Rezanî ya Amedî û Meclîsê Cinîyan, çarçeweya 25ê Teşrîna Peyêne Roja Têkoşînê Hemverê Şîdetê Cinîyan ê Mîyanneteweyî perwerdeyêk viraşt. Xebatkarê şaredarî beşdarê perwerdeyê têmîyan yê ke Merkezê Cinîyan ê Kardelenî ame viraştiş de bîy. Bernameyo ke bi hemkarîya Merkezê Heqê Cinîyan ê Baroya Amedî ame viraştiş de, avûkate Fîlîz Yîlmaz Qanûnê Hûmara 6284 û heqê ke pê ameyê dayîş de agahî da. Bernameyê perwerdeyî bi pers û cewaban ame temamkerdiş.
Broşûrê hemverê şîdetî ameyî vilakerdiş
Îdarekarîya Polîtîkayanê Cinîyan û Meclîsê Cinîyan çarçeweya çalakîyê 25ê Teşrîna Peyêne Roja Têkoşîn û Pêgirewtişê Hemverê Şîdetê Cinîyan ê Mîyanneteweyî de, taxa Kaynartepe û kuçeyê Sakarya de xebatêk viraşt. Xebata ke bi sloganê “Semedê cuyêka bêşîdetî û azad qiseyê ma nêqedîyayê, ma do pîya şîdet peynî bikerê” de, serdayîşê karsazîyê herêmî û dayîşê broşûranê agahdarî ke agahîyê têkilîyê semedê mekanîzmanê çareserîyê hemverê şîdetî hewêneno de cinîyan rê ameyî vila kerdiş.
