Polîsan Wan de eşt nawitgehê resiman ê “Cinîyanê ke cuye tewrê tarîxî kerda” ser o û dest da resiman ser o.
Têgêrayîşê Cinîyanê Azad (TJA) bi munasebetê 25ê Teşrîna Peyêne Roja Têkoşînê vera Şîdetê Cinîyan a Mîyanneteweyî Kuçeyê Hunerî yê Wanî nawitgehê resiman ê “Cinîyanê ke cuye tewrê tarîxî kerda” akerd. Polîsan abîş eşt nawitgehê ser o û resimê cinîyanê ke pêşengîya têkoşînê azadîye kerda, dest da înan ser o. Polîsan sereştişê nawitgehî de dest da resimanê Sakîne Cansiz, Evin Goyî, Cihan Bilgin, Gulîstan Tara, Nagîhan Akarsel, Hero Bahaddîn û Hevrîn Xelef ser o.
TJA seba ke hêrişê şermezar bikera do saete 11:30î de vernîya Galerîya Hunerî de eşkerayî bida çapemenî.
