Girewte Muzaffer Tuncu ke Hepisxaneyê Tîpê T’yî yê Xelatî de yeno girewtene, riyê muameleyo xirab ê rayberîya hepisxaneyî ra û hûmaritişê lingan ser o dest bi grevê vêşanîye yo bêmudetî kerd.
Girewte Muzaffer Tuncu ke Hepisxaneyê Tîpê T’yî yê Xelatî de yeno girewtene, riyê muameleyo xirab ê rayberîya hepisxaneyî ra û hûmaritişê lingan ser o 31ê teşrîna peyêne de dest bi grevê vêşanîye kerd. Ame zanayene ke Muzaffer Tuncu grevê bêmudet dayo destpêkerdene û heta şert û mercê girewteyan nêrê başkerdene, o do grevê xo nêqedîno.
Muzaffer Tuncu serra 2023î de bi îdiaya “endamtîya rêxistine” ame muhakemekerdene û 7 serrî û nêm ey rê ceza ameye dayene û o Stenbol de yeno girewtene. Peynîya serra 2023î de Muzaffer Tuncu sirgunê Hepisxaneyê Tîpê T’yî yê Qezaya Xelate ya Bêdlîsî ameyo kerdene.
