Refîk Sunkur ke serra 1995î de amebi girewtene û 31 serrî hepisxaneyanê cîyayan de ame girewtene, dimayê veradayîşî Amed de bi coş û girseyî ame pêşwazîkerdene.
Refîk Sunkur ke serra 1995î de Amed de amebi girewtene û no 31 serrî yo hepisxaneyanê cîyayan de ameyêne girewtene, 17ê nîsane de Hepisxaneyê Bolu ra ame veradayene. Refîk Sunkur o ke ewro agêra Amed, Teyaregehê Amedî de bi girseyî û coş ame pêşwazîkerdene.
Merasîmê pêşwazîkerdişî de rayberê Komela Hetkarî û Piştgirî ya Keyeyanê Girewte û Hukumwerdoxan reyde (TUHAY-DER), temsîlkarê sazgehanê sîvîlan, rayberê partîyanê sîyasî û welatijî amade bîyê. Girse demo ke Refîk Sunkur teyaregehî ra vejîya bi çepik û tilîlîyan ame pêşwazîkerdene û xeylê reyan sloganê “Bijî berxwedana zindanan” ame vatene.
‘Proses do bi serkewtiş bi encam bibo’
Demê pêşwazîkerdişî de Refîk Sunkur hîsê xo îfade kerdê û vat: “Ma hepisxane ra bi hewayêko nêmcet vejîyayê. Seba ke embazê ma hema zî zere de yê. Prosesê Aştî û Komelê Demokratîkî dewam keno. Ma bawer kenê ke no proses do serkewtişî reyde bi encam bibo û heme embazê ma ke hepisxaneyan de yenê girewtene, bêrê veradayene.”
Dimayê qiseykerdişê Refîk Sunkur û kesanê ke ey reyde bîyê, bi vatişê “Bijî berxwedana zindanan” ver bi qezaya Gêlî kewtê rayîr.
