Zekî Bayhan ke nêzdîyê 28 serrî yo girewte yo û demêk Hepisxaneyê Îmralîyî de mendbi, badê dermankedişî agêra Hepisxaneyê Îmranlîyî.
Cagirê Hemserekê Pêroyî yê DEM Partî yê Çapemenî û Propaganda ra berpirsîyar Tayîp Temelî, derheqê rewşa girewte Zekî Bayhanî de agahîyê neweyî pare kerdî. Bayhano ke Hepisxaneyê Ewleyîya Berze yê Tîpê F’yî yê Îmralîyî de Rayberê Şarê Kurdî Abdullah Ocalanî reyde girewte bi, semedê problemê xo yê nêweşî seba dermankerdişî ey berdbi Îzmîr.
‘Ame dermankerdene, rewşa ey baş a’
Tayîp Temelî da zanayene ke prosesê dermankerdişê Zekî Bayhan ke nêweşxaneyêkê îzmîrî de dewam kerdêne, qedîya. Temelî dîyar kerd ke dermankerdişê Zekî Bayhanî baş vîyarto û rewşa ey baş a. Temelî vat ke badê dermankerdişî Zekî Bayhan reyna agêra Hepisxaneyê Îmralîyî.
