Siyasetmedarên Kurd Sêvê Demîr, Fatma Ûyar û Pakîze Nayir ên ku li navçeya Silopiya ji aliyê polîs û leşkeran ve di 4ê Çileya 2016an de hatibûn kuştin, li navçeya Alaşehîr a Manîsayê hatin bibîranîn.
Endama Meclîsa Partiyê ya DBPê Sêvê Demîr, endama Kongreya Jinên Azad (KJA) Fatma Ûyar û Hevseroka Meclîsa Gel a Silopiya Pakîze Nayir ku di 4ê Çileya 2016an dema dixwestin ji taxa Karşiyaka derbasî taxa Ofîsê bibin ji aliyê polîs û leşkeran ve hatibûn kuştin, bi pêşengiya DEM Partî ya Alaşehîr a Manîsayê hatine bıbîranîn. Her wiha wêneyên jinên kurd ên damezirînerên PKKê Sakîne Cansiz (Sara), endama Tevgera Ciwanên Kurd Leyla Şaylemez (Ronahî) û nûnera Kongreya Neteweyî ya Kurdistanê (KNK) ya Parîsê Fîdan Dogan (Rojbîn) ku di 9ê Çileya sala 2013yan de li paytexta Fransa Parîsê hatin qetilkirin jî dî bîranînê hatin hilgirtin. Di bîranînê de find hatin pêxistin û dia hatin xwendin.
Piştre ji bo kesên di têkoşîna azadiyê de jiyana xwe ji dest dane deqeyekê rêz hate girtin. Piştî rêzgirtinê Hevserokên DEM Partiyê Kerem Taylan û Evîn Gursel axivîn û dan zanîn ku êrîşên li dijî siyasetmedarên jin ên kurd rasterast hedefgirtina tevgera azadiya jinê ye. Hevserokan di berdewamiya axaftinên xwe de anîn ziman ku dê girêdayî bîranînên şehîdên xwe bin û her wiha dê her tim têkoşînê xurt bikin.
Piştî axaftinan çalakiya bîranînê bi dawî bû.
