Heyetê Îmralî yê Partîya Têduştî û Demokrasî ya Şaran (DEM Partî) amadekarî keno ke seba pêvînayîşê Serokkomar Tayîp Erdoganî muracat bikero.
Ame zanayene ke endamê Heyetê Îmralîyî Pervîn Buldan û Mithat Sancar, çarçewaya Prosesê Aştî û Komelê Demokratîkî de ke dewam keno, roja dişemeyî muracatê fermî bikerê.
Goreyê melumatanê ke resayî ma, Heyetê Îmralî badê pêvînayîşê Rayberê Şarê Kurdî Abdullah Ocalan yê 2ê kanûne de yew rêze wezîfedaranê partîyan û dewlete reyde têkilî ronaye. Na çarçewe de heyet; Serekê Pêroyî yê MHP’yî Devlet Bahçelî, Serekê Pêroyî yê DEVA Partî Alî Babacan, Serekê Pêroyî yê CHP’yî Ozgur Ozel, Serekê Pêroyî yê Gelecek Partî Ahmet Davutoglu, Serekê TBMM’yî Numan Kurtulmuş, Wezîrê Edaletî Yilmaz Tunç, Serekê Pêroyî yê Partîya Karkeranê Tirkîya (TÎP) Erkan Baş, Serekê Pêroyî yê Partîya Kede (EMEP) Seyît Aslan û Grûba Meclîsî ya AKP’yî reyde pêvînayîş kerd.
Badê nê têmasan raya pêroyî reyde ame parekerdene ke heyet do Erdoganî reyde zî pêvînayîş bikero. Yeno îfadekerdene ke badê pêvînayîşê Erdoganî ke tena beno, yen plankerdene ke Îmrali de newe ra Rayberê Şarê Kurdî Abdullah Ocalanî reyde pêvînayîş bêro kerdene.
