Federasyona Karkerên Koçber ên Elmanyayê (AGÎF) ji bo vexwendina Serokkomarê Demkî yê Suriyeyê Colanî ji bo Berlînê bi tundî rexne kir û ji Dewleta Elmanyayê xwes ku ev vexwendin bê betalkirin.
AGÎFê li ser vexwadina Colanî ya li Elmanyayê daxuyanî da. Di daxuyaniyê de got ku kujerê mirovahiyê yên îslamîst ên HTŞê ji bo were Elmanyayê ji aliyê Hikûmeta Elmanyayê ve hatiye vexwandin. Federasyona Karkerên Koçberên li Elmanyayê (AGÎF) xwest ku ev vexwandina Colanî ya ji bo 19ê Çileya 2026an de pêk bê demildest bê betalkirin. AGÎFê di daxuyaniyê de ku xwîna Kurd, Durzî, Elewiyên ku hatine qetilkirin hê zuwa nebûye. Lê Serokwezîrê Elmanyayê Friedrich Merz xwe amade dike ku Colaniyê bermayiyê DAIŞê bi xalîçeya sor pêşwazî bike.
AGÎF: Werin em vê hevkariya kirêj teşhîr û şermezar bikin
AGÎFê di dewama daxuyaniya xwe de diyar kir ku di serdema van komkujiyan de vexwendina Colanî ya ji bo Berlînê hevkariya qirêj ya li gel HTŞ’ê radixe ber çavan. AGÎFê destnîşan dike ku ew bi tu awayî qebûl nakin Elmanyayê, Colaniyê kujer bi xalîçeyên sor pêşwazî bike.
AGÎFê bang li hemû rêxistin û kesên pêşvexwaz dikin ku vê seredana ku wê di 19ê Çileyê de pêk were, protesto bikin, bi taybetî jî beşdarî çalakiyên ku wê li Berlînê werin lidarxistin, bibin.
AGÎFê dixwaze ku bi beşdarbûneke mezin hevkariya Hikumeta Elmnayayê ya DAIŞiyên kujerê mirovahiyê re pêk bê bi tundî şermezar bikin.
