Fermandarê Pêroyî yê HSD’yî Mazlûm Ebdîyî vat, “Ma do heta peynî destkewteyanê xo bipawê. Çîyo ke destê ma ra yeno ma do bikerê, no hêzê ma est o.” Ebdîyî ard ziwan ke ê do Şamî reyde pêvînayîş bikerê.
Fermandarê Pêroyî yê Hêzanê Sûrîyeya Demokratîke (HSD) Mazlûm Ebdîyî derheqê hêrişanê çeteyanê HTŞ û dewleta tirke yê vera Rojawanî de û pêvînayîşo ke do Şamî reyde bêro kerdene de eşkerayîye daye.
Mazlûm Ebdîyî nê vatî: “6ê çeleyî ra nata ma mîyanê şerêkî de yê. No şer ma rê ame ferzkerdene. Şehîd û birîndarê ma est ê. Ez şehîdanê ma yad kena. Verê ke ez siba şirê Şamî, wazena şarê ma rê tay eşkerayîyan bidê. Her çî ra ver no şer ma rê ame ferzkerdene. Seba ke no şer gird mebo û aneçarîyo şerê zereyî-nê semedî ra amebi hazirkerdene-gird nêbo, seba ke ma verê şerêkê zereyî yê girdî bigîrê ma qerar girewt ke Reqa û Dêrazorî ra xo biancê. Ma do heta peynî destkewteyanê xo bipawê. Çîyo ke destê ma ra yeno ma do bikerê, no hêzê ma est o. Ma senî ke no xoverdayîş 14 serrî verî ser fîna ez pê bawera ke ma do ewro ra tepîya zî ser bifînê.”
Ebdîyî vat: “Bado ke ma Şamî ra agêrê ma do derheqê detayanê pêkewtişî eşkerayîye bidê.”
