Ciwanê Şengalî sey çar parçeyanê Kurdîstanî seba piştgirîya Rojava qadan de bi.
Vizêr şan şarê Şengalî bi pêşengîya Yewîya Ciwananê Êzîdî û Cinîyanê Ciwan ê Şengalî parçeyanê bînan reyde bi hewayêko hemwext vejeyê kuçeyan û piştgirîya xo ya Rojavayê Kurdîstanî eşkera kerd.
Fotografê Colanî ke fermanê qetilkerdişê kurdan û îşxalkerdişê Rojavayê Kurdîstanî dayo, hetê ciwananê Êzîdî ra ame veşnayene û sloganê amadebîyayîşê xo yê beşdarîya seferberîye îlan kerde.
Şarê Xanesorî zî bi piştgirîya cinîyanê ciwan ê Şengalî vejeyê kuçeyan û amadebîyayayîşê xo yê beşdarbîyayîşê seferberîye pare kerd.
Ciwanê Êidî bêmabên sloganê, “Bijî Serok Apo, Bijî berxwedana Rojava” vatê.
Dima ra girseyê şarî bi karwanêkê erebeyan zereyê Xanesorî ra gêrayê û waşt her kes beşdarê xoverdayîşî bibo.
Ciwananê Êzîdî vizêr zî bi eşkerayîyêka çapemenî eşkera kerdbi ke ê amade yê ke beşdarê seferberîya seba Rojava bibê.
