Meclîsê Welatijanê Başûrî bi amancê beşdarîya seferberîya neteweyî do şêro Rojavayê Kurdîstanî.
Hêrişê çeteyanê HTŞ û SMO’yî yê vera Vakur û Rojhelatê Sûrîye dewam kenê. Şarê kurd û dostê înan xeylê cayanê dinya de vera hêrişan vejeyê qadan.
Welatijê Herêma Federe ya Kurdîstanî zî xeylê şaristanan de vejeyê qadan û piştgirî daye şarê Vakur û Rojhelatê Sûrîye. Meclîsê Welatijanê Başûrî ke do ewro vernîya kampusê Unîversîteya Silêmanî de kom bibê û ver bi Rojava bikewê rayîr.
‘Ganî şar verê xo bido Rojava’
Meclîsî na çarçewa de eşkerayîyêk daye û da zanayene ke do saete 13:00î de bêrê têhet û ver bi Rojava bikewê rayîr. Eşkerayî de venga pêroyê şarê Silêmanîye û Başûrê Kurdistanî ame kerdene ke verê xo bidê Rojava.
