Xeylê partîyê sîyasî seba hêrişanê vera Rayberîya Xosere yenê kerdene, şermezar bikerê do siba tewrê rayîrşiyayîşê Pirsûsî bibê.
Hemserekê DEM Partî Tuncer Bakirhan, Hemverfekê HDK’yî Alî Kenanoglu, Parlementera EMEP’î Sevda Karaca, Serekê Pêroyî yê EHP’yî Hakan Ozturk, Hemserekê Pêroyî yê ESP’yî Murat Çepnî, Hemserekê SYKP’yî Mertcan Tîtîz, Verfeka SODAP’î Kezban Konûkçû, Verfeka TOP’î Jûlîana Gozen, temsîlkarê partîyanê Yeşîl Sol Partî, Partîya Şorişger û Federasyonê Meclisê Sosyalîst (SMF) bi amancê paştîdayîşê Rayberîya Xoser a Vakur Rojhelatê Sûrîye siba şinê qezaya Pirsûsî ya Rihayî.
Do şorê serê sînorê Kobanî
Temsîlkarê partî û rêxistinanê komelkî do tewrê rayîrşîyayîşê bibê. Rayîrşîyayîş do siba saete 13:00î de Pirsûsî ra ver bi sînorê Kobanê bêro viraştene. Sewbîna temsîlkarê partîyan do uca de mesajanê paştîdayîşê Rayberîya Xosere bidê.
