Wendekar û mamosteyanê Unîversîteya Helebçe vera hêrişanê HTŞ û SMO’yî yê vera Rojavayê Kurdîstanî çalakîyêk organîze kerd û paştî daye xoverdayîşê Rojava.
Bi piştgirîya hêzanê mîyannetweyî û dewleta tirkan çeteyê HTŞ û SMO’yî hêrişê Rojavayê Kurdîstanî kenê. Nerazîbîyayîşê vera hêrişan Başûrê Kurdîstanî de her ke şono hîna gird benê.
Na çarçewa de wendekar û mamosteyê Unîversîteya Helebçe zî bi çalakîyêk paştî daye xoverdayîşê Rojavayê Kurdîstanî.
Çalakî de bêmabên sloganê girêdayîyîya şarê Rojava reyde ameyê vatene. Mamosteyê Unîversîteyî Dr. Şiwan Fetahî ajansê ROJ NEWS’î rê dîyar kerd ke ê ewro sey mamoste û wendekarî paştî danê Rojavayê Kurdîstanî û çîyo ke Rojava ser o yeno kerdene, sucê merdimîye yo.
