Baba Şêx Elî Şêx Elyasî dîyar kerd ke ey bi fikarêka girde rewşê Rojawanî şopnenê û vengdayîşê komelê mîyanneteweyî kerd ke vera Rojawanî berpirsyarîyanê xo ê huqûqî û merdimi bî ca bîyarê.
Hêrişê çeteyanê HTŞ, dewleta Tirk û DAÎŞ’î ê Rojawanî ser, çar hetanê dinya de benê semedê nerazîbîyayîşanê heme komel, ol û şaran.
Baba Şêx Elyas ê Êzîdîyan, derheqê hêrişan de mesajêke weşana û mesajê xo de wina vat: “Ma bi fikarêka pîle averşîyayîşê leşkerî yê dewam kenê şopnenê. Waştena Neteweyanê Yewbîyeyan, Konseyê Ewleyîye, Yewîya Ewropayî, Vatîkan, Fransa, Brîtanya û heme welatanê bi tesîr, sewbîna rêxistinanê mîyandewletan kena ke berpirsyaranê xo ê qanûnî, exlaqî û merdimî bi ca bîyarê Tedbîrê bilez û cidî seba vernîgirewtena neyartî bigîrê. Hewceyoke sivîlî bêrê pawitene. Krîterê qanûnanê mîyanêdewletan û qanûnê heqê merdiman wa bêro ca ardene.”
Dewamê mesajê xo de ame vatene ke ganî pêroyî temsîlkarî û bawerîyê herême, bi taybetî zî Êzîdî, Mesîhî û Kurdî Misilmanî bêrê pawitene.
