Komeleya Hetkarî û paştîdayenê ya Alimanê Dînî yê Stenbolî verva hêrişanê Rojava ser eşkerayî daye û wina vat: “Verva zulmî bêveng memanê. Bêvengî zulmî domdar keno û neheqî zî gird keno.
Verva hêrişanê çeteyanê girêdayeyê HTŞ, SMO û Tirkîyeyî çiqas şino nerazîbîyayîşî zêde benê. Komeleya hetkarî û paştîdayene ya Alimanê Dînî yê Stenbolî verva hêrişanê Rojava ser o vernîya awanîya komeleye taxa Şîrînevlerî qezaya Bahçelîevler yê Stenbolî eşkerayî daye eşkerayî endamê komeleye Bedrattîn Gunay wende.
‘Zulm heysîyetê merdimîyê hedef gêno’
Bedrettîn Gunay eşkerayî de ard ziwan ke ey ewro seba vindertişê xo verva zulmî dîyar bikerê kom bîyê û wina vat: “Zulm çi ziwan çi dîn çi nasname û çi coğrafya bena wa bibo, heysîyetê merdimîye hedef gêno, heqenê merdimîye binpay keno. Na rewşe wijdanê komelî bi hawayêko giran birîndar keno û bawerîyê heqê merdiman şikneno. Îslam berzkerdişê edaletî û vindertişê vera zulmî ferman keno. Quranê Pîrozî de ‘Bi edalet têbigêrê. No tewr nezdîyê teqwayî yo’ yeno vatene.
‘Bêvengî, zulmî domdar keno’
Bedrettîn Gunay peynî qiseyê xo de îfade kerd ke ewro şerê vakurê Sûrîya qewmîyeno dîmenê giranî vejênê meydan. Şaro sivîl yê herême wareyanê xo yeno vetenê, cuya înan binê talukeyî da û heqê înan ê bingeyinî yene binpaykerdene. Ma waştena rêzgirewtişê rûmetê merdimîye, pawetena heqê cuye û awankarîya aştîyêka domdare kene. Na tena problemê herêmêke nîya, problemê pêroyî merdimîyê ya. Bêvengî zulmî domdar keno û neheqîyê zî pîl keno. Vindarnayîşê zulmî erke pêroyî merdimîye yo.
