Ofîsê Koordînasyonê Heqêna Merdiman ê Neteweyanê Yewbîyayan (NY) derheqê dorpêçê Kobanî de dîyar kerd ke ekîbê NY’yî rayedaranê Helebî reyde mîyanê dayîşûgirewtişî de yê seba ke rayîrê paştîdayena bilez şaristan ra peyda bikerê.
Çeteyê hukmatê demkî yê ke dewleta Tirkan paştîdana înan kena, badê wareyanê başûrê Kobanî îşxal kerda, nêzdîyê hewteyêko dorpeçêke giran ronayo ser şaristanê kobanî û pêroyî rayîrê ke şinê şaristan birnayê. Rîwalê nê dorpêçî ra awe û elektrîkê Kobanî ame birnayene.
Ofîsê Koordînasyonê Heqanê Merdiman yê Neteweyanê Yewbîyayan (OCHA) derheqê babetê de eşkerayîyêka nuştekî weşanaye. Eşkerayî de ame vatene ke ey bi hemkaranê xo yê Kobanî reyde xebitîyenê û fikarê înan tewr zêde seba rewşa merdimî yê herême est ê.
OCHA yê Neteweyanê Yewbîyayan dîyar kerd ke Kobanî de awe û elektrîk qut kerdeyê no zî xizmetanê bingeyînan asteng keno goreyê raporan werd, derman û lazimatîyê bînî kemîyê.
Heto bîn ra OCHA’î da zanayene ke seba ke lez û bez yardim biresnê Kobanî, ekîbê înan û rayedaranê Helebî mîyanê teklîyan de yê.
