Welatijanê Amedî nerazîbîyayîş mojna hêrişanê Rojava ser û vat: “Ma hêrişanê serê Rojava qebûl nêkenê û ma wayûbirayanê xo yê Rojava reyde yê.”
Çeteyê HTŞ, DAIŞ û SMO’yî ke hetê Tirkîya ra yenê rayberderne, hêrişanê xo yê vera Rojava dewam kenê. Hemverê hêrişanê serê Rojava, pêroyî Kurdîstanî, Tirkîya, Ewropa û xeylê welatanê dinya de kurd û dostê înan çalakîyanê protestoyî virazenê. Welatijê Amedî seba paştîdayena Rojava her roje çalakîyan virazenê û nêrazîbîyayîşê xo daye mojnayenê.
Welatijanê Amedî, derheqê hêrişanê serê Rojava û çalakîyî ke seba Rojava domnayenê ajansê ma rê qisey kerd û vat: “Ma hêrişanê vera Rojava qebûl nêkenê. Ma wayûbirayanê xo yê Rojava reyde yê.”
