Hemserekê Pêroyî yê DEM Partî Tulay Hatîmogûllarî û Tûncer Bakirhan, peymana mabênê Şam û HSD’î sey ‘Îradeyê Rojavayî seba ma esas o’ pêşwazî kerd.
Hemserekê Pêroyî yê DEM Partî peymana mabênê HSD û Hukmatê Demkî yê Sûrîya eşkerayîyêka nuştekî daye. Eşkerayî de ame dîyarkerdene ke sey partî piştgirî danê peymane.
Eşkerayî ke bi îmzeya hemserekanê pêroyî yê DEM Partî Tuncer Bakirhan û Tulay Hatimogullari ame vilakerdene wina ya:
“Sûriye de peymana mabênê Rayberîya Şamî û HSD’î ‘cayê kêfweşîye’ yo . Ma spasîya welat, sazgeh, kesayet û şaran ke seba peymana kewtê mîyanê hewldanê, kenê. Ma xoverdayîşê mardimanê xo yê roja ewilî ra heme dinya de reaksîyon mojna û vejîyayê waran, selam kenê.
Seba serkewtişê nê prosesî, sey DEM Partî ma do paştîdayena xo yê qerardar dewam bikerê.
Îradeyê Rojava seba ma esas o. Çîyêko bikewo serê milê ma zî ma do piştgirî bidê qeraranê înan. Ma hewldayîşê înan ê muzakereyî û vindertişê înan ê serê masa, pîroz kenê. Ma tim dîyar kerd ke problemî do bi muzakere û dîyalog çareser bibê, ewro zî ma eynî ca de vindenê.”
