Heyetê Îmralî yê DEM Partî dest bi pêvînayîşê Hemserekê HDP’yî yo verên Selahattin Demirtaşî kerd. Nêyeno pawitene ke badê pêvînayîşî beyanat bêro dayene.
Heyetê Îmralî yê DEM Partî ke Sirrî Sureyya Onder, Pervîn Buldan û Ehmed Turkî ra yeno meydan, Selahattin Demirtaş Hemserekê HDP’yî yo verên Hepisxaneyê Edîrne de zîyaret keno. Heyetî dest bi pêvînayîşê Demirtaşî kerd.
Heyetê DEM Partî do meşte (12ê Çeleyî) Hepisxaneyê Kandira yê Kocaelî de Fîgen Yuksekdag Hemsereka HDP’yî ya verêne ke uca de tepişte ya, zîyaret bikero. Pawîyeno ke no pêvînayîş saete 13.00î de bibo.
Ame îlankerdiş ke nêyeno pawitene ke heyet badê pêvînayîşan beyanat bido. Beyanat dima bi hawayêko hîra do bêro dayene.
