Heyva Sor a Kurd a Başûr û Kanal 8î 45 ton dermanî Heyva Sor a Kurd a Rojava rê erşawitî û ê teslîmê Komîteyê Weşî yê Kantonê Cizîrî kerdê.
Heyva Sor a Kurd a Rojava ewro Nêweşxaneyê Zerrî û Çiman ê şaristanê Qamişlo de eşkerayîyêk daye. Hemserekê Heyva Sor a Kurd Dilgeş Îsayî bi kurmancî eşkerayî daye û Hemserek Hedîye Ebdullah zî bi ziwanê Erebkî eşkerayî daye.
Eşkerayî de ame dîyarkerdene ke Heyva Sor a Kurd a Başûr û Kanal 8î 45 ton dermanî Heyva Sor a Kurd a Qamişlo rê erşawitê û wina ame vatene: “Heyva Sor heme dermanî teslîmê Komîteyê Weşîye yê Kantonê Cizîrî kerdî, nê dermanî do 6 nêweşxane û nêzdîyê 20 klînîkanê weşîye de bêrê vilakerdene.”
Sewbîna ame dîyarkerdene ke rîyê îmkan û çinbîyayîşê rayîrî nê dermanî nêvîyarenê şaristanê Kobanî la ê do cehd bikerê ke bivîyarnê.
