Ame eşkera kerdene ke artêşa DYA’yî vera Îranî amadekarîya operasyonêke dergûdila keno.
Di rayedarê DYA’yî yê nêwaşt nameyê înan eşkera bikerê, Reutersî rê qisey kerd. Rayedaran ard ziwan ke amadekarî seba angajmanêke leşkerî yê dergûdila yeno kerdene.
Goreyê xeberê, eşkerayîya rayedaran mojna ke dayîşûgirewtişê dîplomatîk ê mabênê DYA û Îranî astêke krîtîk de yê. Hewteyê vîyarteyî de dîplomatanê DYA’yî û Îranî seba babeta programê nukleerî ser o yê Îranî pêvînayîş bikerê û Uman de ameyê têhet. Baldar bî ke nê demî de DYA’yî hêzê xo yê deryayî yê nêzdîyê Îranî zêde kerdî.
Goreyê yew rayedarî ra çarçeweyî operasyonêke dergûdila de artêşa DYA’yî tena ne tesîsê nukleerî sewbîna eşkenê hêrişê berê ser binawanîya sazgehê ewlekarî û dewletê yê Îranî.
Pisporî hişyarî danê ke operasyonêke bi no tewirî seba leşkeranê DYA’yî eşkeno rîskanê cidî xo reyde bîyaro. Yeno vatene eke Îran zî cewab bido operasyonê DYA’yî ke mumkun o, do rîskê şerêkî herêmî zêde bibo.
Eynî rayedarî vat, rayberîya Washingtonî hêvîyê ke Îran cewab bido û no zî do bibo semedê hêrişan verva hetan ke heta demêke.
Qesra Sipî û Pentagonî cewab nêda persan ê serê rîskanê cewabdayene û şerêko îhtîmal ê herêmî.
Di rayedarên DYA’yî yê Reutersî rê qisey kerd û ard ziwan ke DYA’yî qerar da ke keştîyanê bînan en teyaran erşawenê Rojhelato Mîyanên.
Verfekê Qesra Sipî Anna Kelly babete ser eşkerayî da û vat: “Serok Trump babeta Îranî de heme rayîran erjnayeno.”
