Rojnameger Mehmet Alî Ertaş ke vizêr Mardîn de nuqteya kontrolî ya leşkerî de amebi destbendlkerdene, dima ke îfadeyê ey ame girewtene, ame veradayene.
Rojnameger Mehmet Alî Ertaş vizêr nuqteya leşkerî ya herêma Şêxan a qezaya Artûklû ya Mardînî de bi manayê ke derheqê ey de cipersayîş ameyo destpêkerdene, amebi destbendkerdene. Ame zanayene ke Mehmet Alî Ertaş çarçewaya cipersayîşî de ke Serdozgerîya Komare ya Anqarayî dayo destpêkerdene, ameyo destbendkerdene. Mehmet Alî Ertaş avûkat Erdal Kuzu reyde îfade da dozgerîye. Dozgerîye îfadeyî de îdiayê şahîdo nimite “K8Ç4B3L1T5” Mehmet Alî Ertaşî ra persa.
Mehmet Alî Ertaşî dîyar kerd ke o îdiayan qebul nekeno, o rojnameger o û îfade kerd ke îdiayê derheqê ey de bêbingeh ê. Dozgerîye dimayê girewtişê îfadeyê Mehmet Alî Ertaşî verada.
Çarçewaya cipersayî de ke merkezê ci Anqara yo Serdozagerîya Komare ya Anqarayî dabi destpêkerdene, Mudira Karanê Nuştişî ya Ajansê Mezopotamya (MA) Dîren Yurtsever û muxabira MA’yî Bêrîvan Altna, Selman Guzelyuz, Hakan Yalçin, Emrûllah Acar, Ceylan Şahînlî, Zemo Aggoz û Denîz Nazlim û muxabirê JinNews’î Habîbe Eren û Oznûr Deger û stajyarê MA’yî yo verên Mehmet Gunhan 29ê teşr^İna peyêne ya 2022î de bi manayê îfadeyê şahido nimite “K8Ç4B3L1T5” de ameybî girewtene û 16ê gulana 2023î de ameybî veradayene. Mehkema seba rojnameger Habîbe Eren, Ceylan Şahînlî û Mehemet Gunganî qerarê braetî dabi û rojnamegeranê bînan rê zî 6 serrî û 3 aşmî cezaya hepsî dabî.
Ame zanayene ke cipersayîşê derheqê Mehmet Alî Ertaşî de zî çarçewaya vatişanê şahido nimite “K8Ç4B3L1T5” de ameyo destpêkerdene.
