Rêberê Gelê Kurd Abdullah Ocalan di hevdîtina xwe ya bi şandeya Komîsyona Meclisê re kir de, bal kişandiye ser girîngiya tifaqa Kurd û Tirkan û wiha dibêje: “Li vê erdnîgariyê Tirk bêyî Kurdan û Kurd jî bêyî Tirkan nikarin bijîn. Di serkeftina Milazgirê de rola Kurdan gelek zêde ye.”
Tevahiya girtekên hevdîtina şandeya Komîsyona Meclîsê ku di 24ê Mijdara 2025an de bi Rêberê Gelê Kurd Abdullah Ocalan re hatibû kirin di 23ê Çile de hatin parvekirin. Di hûrguliyê hevdîtinê de Rêberê Gelê Kurd Abdullah Ocalan balê dikişîne ser girîngiya tifaqa Kurd û Tirkan.
Rêberê Gelê Kurd Abdullah Ocalan balê dikişîne ser tifaqa Kurd û Tirkan û wiha dibêje: “Li vê erdnigariyê, Tirk bêyî Kurdan û Kurd jî bêyî Tirkan nakarin bijîn.”
Rêberê Gelê Kurd Abdullah Ocalan destnîşan dike ku li pişt serkeftina Milazgirê ya Sultan Alparslan, piştgiriya Mîrektiya Merwaniyan a li Farqînê û Mîrektiya Kurd a li Xelatê heye û wiha dibêje: “Ev yek di pirtûka Osman Turan de berfireh hatiye vegotin. Serkeftina Milazgirê serkeftinek ku bandora Kurdan têde pir zêde bûye, bi vê yekê deriyên Anatoliyê ji Tirkan re vebûne lê heta Firatê, Riha û Meletiyê berfireh bûye, vê yekê derfet daye ku wê demê Kurd jî nefes bigirin.”
Abdullah Ocalan destnîşan dike ku Atatirk ji serokeşîrekî li Bazîdê re gotiye ‘Ku em di vî şerî de li dijî hev şer bikin ne Kurdistan ne jî Tirkiye dimîne’ û Ocalan dibêje, “Mustafa Kemal gotiye ‘Her du jî dê winda bikin. Ji bilî yekîtiyê riyek din tune ye’. Piştre di şer de serketiye û piştgiriya Kurdan ji bîr kiriye. Di rojên borî de li Hewlêrê forûmek û li Almanyayê Kongreya Kurd-Cihûyan çêbû, ev pir girîng in, xebera muxataban bi vê yekê heye nîn e.”
