Wezîrê Karên Derve yê Amerîkayê daxuyanî da û da zanîn ku li Îranê protesto didomin û bi dehan kes hatin kuştin û bi sedan kes hatin girtin. Wezaretê bi derdestkirineke wek Serokê Venezuelayê Maduro hişyarî da Îranê.
Wezîrê Karê Derve yê Amerikayê li ser hesabê xwe yê Farisî bi rengê sor “Bi Serok Turap re lîstikê nelîzin” nivîsand û peyam da Îranê. Di parvekirinê de li gel wêneyê wezîrê Karê Derve yê Amerîkayê Marco Rubio wêneyê rayedarên din bi hev re da û li ser “Serok Trump çi bêje wî dike” wek peyam hişyariyê da rejîma Îranê.
Rojek beriya vê jî heman peyam di ser hesabê Îngilizî de jî hatibû parvekirin. Tê gotin ku kiryarên Trump ên derdestkirina Serokê Venezuelayê Nicolas Maduro xwepêşandêrên Îranê bandor kiriye.
The Times: Lîderên sereke ji Îranê direvin
Tê gotin ku ev peyam piştî agahiya rojnameya The Times de derket û şûnve hê bêtir li pêş ket. Di nûçeya The Timesê de dihat gotin ku Lawê Serokê Olî yê Îranê Ayetullah Ali Xamaney, Mojtaba û gelek payedar hewl didin ku ji Îranê birevin û biçin Rusyayê.
Trump jî îro di balafira Air Forcê de ji rojnamegeran re got ku hek rejîma Îranê wek mîrateya xwe ya berê xwepêşandêran bikuje dê Dewletên Yekbûyiyê Amerîkayê piştgirî bide xwepêşandêran û rejeîma Îranê bi tundî ceza bike.
Weşana Îran Internationala ku dijberê rejîma Îranê li Londonê weşanê dike jî roja 3yê Çile diyar kir ku 16 xwepêşandêr hatine kuştin û nasnameya wan hatine tespîtkirin.
Rêxistina Mafê Mirovan ya (HRANA) jî heman rojê da zanîn ku hêzên rejîma Îranê 19 xwepêşandêr kuştine. Li gor aktivîstên mafên mirovan ev hêjmar hê zêdetir e.
HRANAê roja 4ê Çile diyar kir ku li 26 bajaran û 78 navçeyan bi giştî 222 xwepêşandan pêk hatine. Di van pêşandanan de 990 xwepêşandêr hatine girtin û 19 xwepêşandêr jî hatine kuştin.
Îro jî di nav de bû roja 9emîn ku xwepêşandan didomin.
