CENTCOMê ragihand ku li esmanê Kuweytê, 3 balafirên şer ên Amerîkayê yên cureya F-15ê bi “êrişa dostane” hatine xistin.
Fermandariya Navendî ya Amerîkayê (CENTCOM) bi daxuyaniyek fermî ragihand ku balafirên F-15ê yên girêdayî wan ji bo piştgiriya operasyona li dijî Îranê dema li hewayê bûn, bi êrişekê re rû bi rû man. Di dema pevçûnên dijwar ên li dijî balafir, fuzeyên balîstîk û dronên Îranê de, pergalên parastina hewayî yên Kuweytê bi şaşî balafirên Amerîkayê kirine hedef.
CENTCOMê diyar kir ku her şeş endamên muretebatê bi selametî xwe ji balafiran avêtine. Tîmên rizgarkirinê di demeke kurt de xwe gihandin wan û hat ragihandin ku rewşa wan baş e.
Di daxuyaniya CENTCOMê de hat destnîşankirin ku hikûmeta Kuweytê ev şaşî qebûl kiriye, her wiha Amerîka ji bo hewldan û piştgiriya hêzên parastinê yên Kuweytê ya di vê operasyonê de minetdar e.
Îranê beriya daxuyaniya CENTCOMê îdia kiribû ku balafirên Amerîkayê ji aliyê hêzên wan ve hatine xistin.
