Kolberekî Kurd ê xelkê Pîranşarê ji ber sermayê jiyana xwe ji dest da. Li Rojhilatê Kurdistanê kolber bi piranî bi guleyên leşkerên Îranê tên kuştin. Hinek ji wan jî an bi qezayê an jî ji serma jiyana xwe ji dest didin.
Li Îranê û Tirkiyeyê li ser kurdan komkujiyên veşartî hene. Li Îranê ên tev li xebatên siyasî dibin têne girtin û darvekirin. Her mehê bi dehan welatî tên darvekirin. Welatiyên ku ji bo debarê kolberiyê dikin jî bi guleya leşkerên rejîmê têne kuştin. Li Tirkiyeyê jî jin her roj ji aliyê zilam ve tên kuştin. Her sal bi sedan jin tên kuştin. Lê ev komkujî nayê dîtin. Li Tirkiyeyê dîsa her roj karker di qezayên ka de dibin qurbana patronan. Her salê zêdetirî hezar karker di qezalên kar de jiyana xwe ji dest didin. Lê ev komkujî jî nayê dîtin.
Li gorî nûçeya Kolbernewê, di 30ê Adarê de kolberekî Kurd Ekaş Terbiyet ê 37 salî ku xelkê Pîranşarê ye û bavê du zarokan e, li sînorê Destare jiyana xwe ji dest da. Çavkaniyê ragihand ku Ekaş Terbiyat dema kolberiyê ji ber sermayê jiyana xwe ji dest da. Hêjayî gotinê ye li gorî daneyan, sala borî 52 kolberên Kurd lli Rojhilatê Kurdistanê di êrişên hêzên Îranê de jiyana xwe ji dest dan û 131 jî birîndar bûn.
Sibat
Rêxistina Mafê Mirovan a Kurdistanê ragihand ku di meha Sibatê de jî du kolber li Rojhilatê Kurdistanê ji ber sermayê jiyana xwe ji dest dane, 2 jî birîndar bûne. Li gorî Rêxistina Mafê Mirovan a Kurdistanê di meha Sibatê de li Rojhilatê Kurdistanê kolber Mehîra Seferî û Emîn Hisên, li sînorê Merîwan di dema kolberiyê de ji ber sermayê jiyana xwe ji dest dane.
Heman rêxistinê destnîşan kir ku kolberên Saro Weysî û Cemal Ezîz jî li Bane di encama êrişa hêzên Îranê de birîndar bûne.
