Baroya Amedê ji bo sala nû ya dadweriyê daxuyanî da. Serokê Baroyê Abdulkadîr Guleç diyar kir ku ew darazek serbixwe û bêalî dixwazin û xwest girtiyên siyasî yên Kurd bên berdan.
Baroya Amedê li ber Dadgeha Amedê ji bo sala nû ya dadweriyê daxuyanî da. Gelek parêzer beşdarî daxuyaniyê bûn.
Serokê Baroya Amedê Abdulkadîr Guleç daxûyanî xwend. Guleç bal kişand ser serbixwebûna dadwerîyê û xwest daraz li gorî vê esasê bisekine û bixebite. Guleç Serokê Baroya Amedê yê berê Tahir Elçî ku li navçeya Sûrê hate kuştin bi bîr anî û got: “Ev têkoşîna bi destê wî û hevalên wê demê hatiye destpêkirin. Em ê bi vî rûhî têbikoşin.”
Abdulkadîr Guleç di derheqê pêvajoyê de jî axivî û kêmasîyên derketine holê anî ziman û xwest ev pirsgirêk demildest were çareserkirin û wiha got: “Divê Selahattin Demîrtaş, Bekîr Kaya û hevalên wan ên girtî bên berdan.” Guleç bal kişand ser rewşa Mustafa Karatepe yê ku 30 sal di girtîgehê de mabû û 7 meh berê hatibû berdan û du roj berê ji ber nexweşiyê jiyana xwe ji dest da û got: “Bangawazîya me ew e ku girtiyên nexweş û hemû girtiyên cezayên xwe temam kirine tavilê bên berdan û gav bên avêtin.”
Guleç di dawiya daxuyaniyê de serkeftinê ji hemû parêzeran re xwest û hêvî kir ku daraz li gorî rêgezên bêalî û serbixwe bixebite û kar bike.
