Mehmet Bahattîn Oncu yê ku li Girtîgeha Bodrûm Tipa S dimîne û 30 sal in girtî ye berdana wî bi hinceta “rewşa wî ne baş e” hate astengkirin û berdana wî ji bo 6 mehan hate dirêjkirin.
Mehmet Bahattîn Oncu yê ku 30 sal in girtiye û li Girtîgeha Bodrûm Tipa S dimîne, roja berdana wi di 13ê hezîranê de bû, berdana wî hate astengkirin. Lejneya Çavdêriyê ya Girtîgehê rapora “rewşa wî ne baş e, poşman nabe” da Oncu û berdana wî ji bo 6 mehan hate dirêjkirin. Oncu di 4ê hezîranê de derket pêşberî lejneyê û biryar di roja dîtir (5ê hezîranê) ji bo wî hate ragihandin.
Parêzerên Oncu, diyar kirin ku dê biryarê îtîraz bikin.
Mehmet Bahattîn Oncu yê ku di hezîrana sala 1995an de hate girtin, ji aliyê Dadgeha Ewlekariya Dewletê ya Amedê (DGM) ve cezaya muebbetê hate dayîn. Oncu, li girtîgehên Dîlok, Amasya, Sîncan, Tekirdag maye û herê dawîn ji bo Girtîgeha Bodrûm Tipa S’yê hatibû sirgûnkirin.
