Wan – TJAyê bi boneya 4ê Nîsanê rojbûna Rêberê Gelê Kurd Abdullah Ocalan li Çiyayê Reş ê Wanê agir vêxist û bi dirûşmeyan hilatina rojê pêşwazî kir.
Tevgera Jinên Azad (TJA) bi boneya 4ê Nîsanê rojbûna Rêberê Gelê Kurd Abdullah Ocalan li Çiyayê Reş ê Wanê agir vêxist û hilatina rojê pêşwazî kir. Jin, bi cil û bergên kurdî beşdarî çalakiyê bûn û bi govend û tilîliyan hilatina rojê pêşwazî kirin. Jinan di çalakiyê de dirûşmên “Bijî Serok Apo”, “Rojbuna te piroz be ey Serok Apo” û “Bê serok jiyan nabe” berz kirin û ji bo pîrozkirinê pasteya ku li ser “rojbûna te pîroz be” hatibû nivîsandin, birîn.
Jinan herî dawî dar çandin û çalakiya xwe bi dawî kirin.
