Çeteyên girêdayî hikumeta demkî yê Şamê ku Tirkiye jî alîgiriya wan dike êrişî Nexweşxaneya Şehîd Xalid Fecir dikin.
Çeteyên hikumeta demkî yên ku Tirkiye jî alîgiriya wan dike êrişên li ser taxa Şêxmeqsûdê didomînin. Hêzên Ewlekariya Hundirîn bersiva êrişan didin. Hat diyarkirin ku êrişên li ser nexweşxaneyê didomin û dora 70ê birîndarên li nexweşxaneyê tên dermankirin bi komkujiyê re rû bi rû ne.
Çeteyan dixwazin berxwedan û îradeya gel bişkînin, rastî berxwedana gel hatine ji duh nîvro ve rasterast Nexweşxaneya Şehîd Xalid Fecir hedef digirin. Komên çete bi êrişên li ser nexweşxaneyê dixwazin jin, zarok û birîndaran di komkujiyan re derbas bikin.
Di êrişên duh ên li ser Nexweşxaneyê de 3 xebatkarên nexweşxaneyê yên bi navê Ednan Arif Osman, Elî Henîf Osman û Oraya Ebdulhenan Horo jiyana xwe ji dest dan.
