Meclisa Ekolojiyê ya Amedê ji bo piştgiriyê bide nobeda Hesendînê çû serdana nobedê. Welatiyê bi navê Hikmet Yildirim diyar kir ku ew maden hem ji bo wan û hem jî ji bo xwezayê xetere ye.
Di sala 2008an de Şîrketa Anonîm a Bazirganiya Derve û Kanzakariyê ya Pasûrê ji bo lêgerina kanzayan bi awayekî bêrêtî rapora”ÇED ne pêwîst e” bi dest xist. Lê di nava 5 salan de tu lêgerîn dest pê nekir û rapora wan li gorî zagonê binpêkirine. Gelên li Zozanê Hesandînê ya navçeya Pasûrê ya Amedê dijîn dijî madenê dest bi çalakiya nobedê kir. MeclisaKomeleya Ekolojiyê ya Amedê têkildarî nobedê çû serdananobedê. Di serdanê de parlamentera DEM Partiyê ya AmedêCeylan Akça, OHD, Komeleya Ekolojiyê ya Amedê, endamên Meclisa Ekolojiye ya Amedê û gelek xelkên ZozanaHesendînê tev li bûn. Meclis li vir pankarta “Ji Qirkirina Çiya, Deşt û Zozanan Re Na” hat vekirin û dirûşmeyên “Bê xwezayê jiyan nabe” berz kirin.
‘Li vir berxwedan heye’
Li vir ewilî Endamê Komeleya Ekolojiyê Necdet Sezgîn axivî. Necdet Sezgîn diyar kir ku îro ji bo Zozanê Hesendînê li vir in û wiha axivî: “Îro li vir berxwedan heye. Tevahî çiyayên Kurdistanê bi hinceta lêgerîna madanê tê talankirin. Em li vir kesen ku li ber xwe didin silav dikin.”
Paşê Hevberdevkê Meclisê Sabrî Kiliç axivî. Sebrî Kiliçdestnîşan kir ku gelê li vir di 17 sal e li berxwe dide. Sabrî Kiliç diyar kir ku kesen ku ji Pîrejmanê heta Zozanê Hesendînê li ber xwe didin silav dikin.
‘Zozan û av ji bo me gelek girîng in’
Dûre gundî Hîkmet Yildirim diyar kir ku maden ji bo wan xetere ye û wiha axivî: “Zozan, av ji bo me gekek girîng in. Ew maden hem ji bo me hem jî ji bo tevahî herêmê xetere ye. Ez 80 salî me. Çi bibe bila bibe ez ê heta dawiyê li ber xwe bidim. Her bostek vê axê li keda me heye. Em vê tiştê qebûl nakin. Divê bi hezaran mirov werin li vir, alîkariyê bidin me.”
‘Dive Banga Aştî û Civaka Demokratîk ji bo Zozanên nHesendînê jî derbas bibe’
Di dawiyê Ceylan Akça axivî û diyar kir ku ew her roj dijî sermayê li ber xwe didin û wiha axivî: “Li Gabarê me şewat dît. Ev desthilatdar îro dijî xwezayê di nava şer de ye. Îro em di nava pêvajoyê de ne. Aştî di nav aştiya xwezayê de jî derbas dibe. Banga Aştî û Civaka Demokratîk ji bo Zozanên Hesendînê jî divê derbasdar be.”
Serdan bi gerandina govendê dawî bû.
