Endamê Tîma Kurdistanî ya Rêxistina CPT’ya Emerîkî Kameran Osman ragihand ji ber bomberdûmanên Dewleta Tirk a dagirker 3 gundên dikevin devara Dînartê ya ser bi Dihokê ve hatin valakirin.
Endamê Tîma Kurdistanî ya Rêxistina CPTya Emerîkî Kameran Osman têkildarî valakirina 3 gundên dikevin devera Dînartê ya Dihokê anî ziman ku 3 gund ji ber êrîşên Dewleta Tirk hatin valakirin.
Osman diyar kir ku ji ber bomberdûmana dijwar a balafirên bêmirov û biçek a Dewleta Tirk piştî nîvro metirsiya destpêkirina operasyoneke leşkerî ye û got: “Welatiyên gundê Nepaxî, Bêr Kekurê û Kafya yên dikeve qontara çiyayê Gare ya Herêma Zêbarî ser bi devera Dînartê ya girêdayî Akrê gundên xwe valakirin û derbasî Dînartê û Akrê bûn.”
Osman destnîşan kir ku 4ê Sibatê hêzên ewlekariyê ya qezaya Akrê welatiyên hersê gundan hişyar kiribû ku di nava 3 rojan de gundên xwe vala bikin ev gotibû: ‘Eger hûn gundên xwe vala nekin, ji jiyana xwe hûn berpirsin.’ Osman diyar kir ku ev werza çinîna simaq û dema karê çandiniyê ya gundiyane. Kamûran Osman anî ziman ku ji ber operasyon û êrişên dagirkeriyê yên Tirk a li Herêma Kurdistanê heta niha 183 gund hatine valakirin, 602 din xeterî li ser heye bên valakirin, dîsa nêzîkî 400 gund nikarin bên avakirin.
