Şirnex – Endamên Meclisa Dayikên Aştiyê yên Botanê ji bo tev li meşa li dijî êrîşên ser Kurdên Helebê berê xwe da Enqereyê. Dayikan got ku aştî jî şer ji Enqere re çêdibe.
Meclisa Dayikên Aştiyê ya Botanê ji bo êrîşên ser taxên Eşrefiyê û Şêxmeqsûd ên Helebê şermezar bikin berê xwe dan Enqereyê. Li gel endamên Meclisa Dayikên Aştiyê yên Botanê û gelek rêveberên partiyên siyasî, nûnerên saziyên demokratîk û welatî li ber avahiya DEM Partiyê ya Cizîrê kom bûn. Girseya kombûyî berî ku dayik bir ê bikevin diruşmên, “Rojhilat Rojava Kurdistan e yek welat” , “Bijî berxwedana Rojava” , “Bijî berxwedana Şêxmeqsûd” berz kirin.
Dayikên ku berê xwe dan Enqereyê diyar kirin ku ew ji bo rawestandina şer diçin Enqere. Dayikan bi lêv kir ku rêya aştiyê jî rêya şer jî ji Enqere dest pê dike û dan zanîn ku ew ê ji bo vê yekê berê xwe bidin Enqere û şer şermezar bikin.
Dayik bi diruşma, ‘Rojava rûmeta me ye’ û çepikan ve hatin oxirkirin.
